/
                  لو يموت الليل .. لو يبقى الصباح
                  … هي مجرد ( لو ) تمر حلم الفقير
                  /
                  يعني كل الناس تذنب .. والمباح
                  … إن يخط الصبح في وجهي الحصير
                  /
                  مات .. لا ما مات فيني واستراح
                  … إلا هـذا الوهْم من يومي صـغير
                  /
                  وين ما يممت .. صلّت هـ الجراح
                  … فـوق ظـهري ركعة الذنب الأخير
                  /
                  يـا بلاده : قيّـديني بْـلا سراح
                  … واصلبيني شمْس بـعيون الضرير
                  /
                  وش يفيد النور والعتمة .. جناح
                  … انـكسر لجل الأمـاني مـا تطير
                  /
                  يا ضحكتي : ما حرقتك للمزاح
                  … لكـن الدخان .. يخفي لي الكثير
                  /
                  كم رسمت القرش في كفي وراح !
                  … كم نفاني العمْر لردوني القصير !!
                  /
                  كم وكم ذابت صرختي فـ الرياح
                  … واشتكت آذان جـدراني الـزجير
                  /
                  راحـل وْلكن أمـانة يـ الصباح
                  … لو تصحي (لو) من أحْضان الفقير

            على الأنصاري
            ali_krimi@hotmail.com